Sami Sabaana, J-Z, Switzerland

شهادة طفل

يمه لو شفتي خيّ وبيّ
يحفروا لي قبري
ويبكوا عليّ
يمه لو شفتيني وأنا
لابس مريول المدرسة
وشنطة الكتب على كتفي
يمه لو شفتي دمي معبي
كل ملابسي.. كل جسمي
كل أقلامي وحتى الكتب
والدفتر…
وريحة دمي… ريحته معطّر
يمه صح بيّ وخيّ وأصحابي
غطوا جسدي بالدموع
وبالتراب….
بس بتعرفي يمه أنه ..
روحي صعدت للسما.. عند ربنا
بتعرفي يمه .. ربنا كرمني وكافئني
وعلق روحي بطير من الجنة
لونه أخضر..
يمه شو بدي أحكليلك
عن جنة الأطفال
وأنا فيها بتمختر ..
هناك يمه مافي قتل أطفال ونسوان
أو قلع أشجار..
أو هدم مساجد أو كنائس ..
أو سرقة أوطان..
يمه الله هداك لا تزعلي..
لا تزعلي على موتي ..
على أستشهادي المنتصر
يمه الرصاص ما موتني
الرصاص مات على صدري
أنكسر … أنكسر .. وأندثر
وصدري على الرصاص
أنتصر … أنتصر
يمه أنتي أحملتي فينا
وولدتينا وعلمتينا وربيتنا
وقلت ..
أنو الليل ..ألو انهار
وبعد الغسق..بيجي الفجر
علمتينا أنو نطالب بحقوقنا
ونتعلم ونكبر….
علمتينا نطالب بوجودنا
بأرضنا … بهويتنا … بفلسطيتنا
ومصيرنا لازم يتقرر
وطنا حتما ..
رح يرجع ويتحرر
والفجر قادم … قادم..قادم
وعلى رأسه تاج النصر

كلمات:  سامي سباعنة